18.42
Serigala Ceta
Tete dan nene ada bercengkrama di bawah pohon matoa. Dong dua memang sedang istirahat siang sebelum melanjutkan kerja dikebun.
Nene: tete kitong pu hidup harus mandiri tra usah membebani anak –anak
dorang. Jadi kitong harus tetap bekerja untuk hidup
Tete: aduh neneeeee, sa pu badan ni ada saja keluhannya. Tangan kram kaaa, kaki salah urat kaa pengaruh umur niiii. Kitong seharusnya sudah waktunya menikmati masa tua
Nene: hussss tra usah bagaya mau menikmati hidup. Ko tau ka tidak itu gambar diuang ada dia pu maksud????
Tete: behhhhh iyo kah, sa tra tau. Yang sa tau tu gambar di uang tu kebanyakan kitong pu pahlawan nasional deng kebudayaan-kebudayaan Indonesia atau hewan dan tumbuhan yang dilindungi. Jadi dia pu maksud apa?
Nene: jadiiiiiiii klo ko pu isi dompet tu hanya ada duit gambar pace pahlawan pejuang bawa-bawa parang itu dia pu maksud kitong harus lebih giat lagi bekerja untuk hidup. Tapi kalo ko pu isi dompet tu su ada tokoh proklamator Indonesia, pace soekarno deng pace hatta. Berarti kitong hari ini su tra usah pusing cari duit untuk makan.
Tete: oooooo. Sa baru tau….. ternyata
